“البنات”

Posted: March 31, 2017 in Uncategorized

من كام اسبوع، حد لاحظ إني دايما بامشي بشنطة ظهر وساعتها اتسألت “طب إنتِ ليه مابتشليش شنطة كده زي البنات؟” وبعدها بشوية حد شاف الموبايل بتاعي ولاحظ إنه من غير غطاء واستغرب واتقال لي “أصل البنات دايما لازم بيكونوا حاطين حاجات كده…” وبعدها كنت قاعدة على جنب في خطوبة وتاني اتسألت “إنتِ ليه مابترقُصيش زي البنات؟”

والحقيقة الموضوع استوقفني لما اتكرر كذا مرة ومن ناس مختلفة، وحسيت إني مش قادرة أفهم همَ مين بقى البنات دول؟ إحنا ليه بنحب نحط تعريفات لكل حاجة في حياتنا؟ العالم ده فيه حوالي 3,418,059,380 أنثى، هل طبيعي إن يكون متوقع منهم يكونوا كلهم شبه بعض؟ وهمَ مين دول اللي بيحددوا لنا التعريفات اللي البنات محتاجين يتفقوا معاها دي؟ ها؟ مين؟

أنا مش متضايقة إني “مش زي البنات”، لأني فعلًا مش باقتنع بحاجات كتير قوي من اللي “البنات” مفروض يكونوا بيعملوها. أنا بس متضايقة إني عايشة في مجتمع شايف إنها حاجة غريبة إن البني أدم يختار يكون مختلف. الإختلاف مش وحش يا جماعة. الإختلاف ده مهم. ومش طبيعي إن الواحد يعيش حياته كلها وهو مُطالب إنه يبرر موقفه لكل اللي حواليه. بطلوا تبقوا شبه بعض لو انتم مش مقتنعين بكده. ولو كل الحاجات دي بتحبوا تعملوها فعلًا، اعملوها، بس اوعوا اوعوا اوعوا أبدًا تحسسوا حد إنه “غريب” لما تلاحظوا إنه مش بيعملها زيكم. عشان خاطري. هو أكيد واخد باله من غير ما حد يسأله.

October 14, 2016

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s